鋪鋪Poker丨何超儀稱被欺負靠大家姐代出頭 賭王女兒屋企電視機竟然係...

郭偉亮（Eric Kwok）、方力申主持的J2台綜藝節目《鋪鋪Poker》，邀請好友何超儀擔任嘉賓。身為賭王何鴻燊的女兒，家中電視壞到得番一半畫面都照睇，雖然係名門之後，何超儀坦言做電影監製工作亦會被人欺負，更要大家姐何超瓊代為出頭。

同場加映：七仙羽曾出手拯救尋死女藝人 無懼花無百日紅為港人帶來歡樂

{{hket:ul-video id="6151"}}{{/hket:ul-video}}

歌手‧門｜何超儀走音被唱片公司老闆炒魷 Mean爆插多刀︰你應該成世咪嘴【下一頁】

{{hket:inline-image name="ERIC3.jpg"}}{{/hket:inline-image}}

{{hket:inline-image name="ERIC5.jpg"}}{{/hket:inline-image}}

何超儀曾經在Eric的YouTube Channel上玩過一次Poker，大家稱呼她為「三條姐」，事關當時零經驗之下竟然多次拎到「三條」牌面贏出Poker，果然是賭王的囡囡。她笑言：「上次我都未瞓醒，對眼半開合咁樣玩，將來可以拍英雄系列電影，咩俠咩俠，我叫『半開俠』！」Eric指屋企的電視近年損壞了，沒有黃色，所有有黃色的畫面都會變成綠色，「煮餸節目見到大閘蟹啲膏好正，但擘開出嚟啲膏係綠色。月餅係綠色，比卡超都係綠色（點捱到兩年？）我哋懶得換嘛！最近買咗新電視，終於有番黃色喇！好開心！」

沒想到，一山還有一山高。何超儀家中的電視熒幕比失去黃色更誇張，「我部電視係後現代電視，電視機個底一半嘅燈燒咗，我睇新聞報道只見到上半截，下截係漸變黑，字幕睇唔到，（有錢人興壞電視？）唔係，電視真係壞，受疫情影響，我又唔敢膽搵人嚟安裝電視。不過我都幾享受，正常睇新聞太光射住我隻眼，年紀開始大頂唔住。」她表示等疫情稍稍放緩之後，就會換電視，同時笑老公陳子聰自稱讀機電工程，但很多家電都不會安裝，更遑論維修？

卸下前衛裝扮│何超儀快滿46歲大方曬素顏照 減齡廿年好友紛紛讚有少女味【下一頁】

近年何超儀由演員榮升電影監製，她笑言：「人哋做監製有形象，一定穿西裝，我就比較Party Girl或Boy，等人知道我哋拍嘢係好玩嘅，（兩公婆合作有冇衝突？）有呀！佢耳仔軟，我哋一齊開會，我唔出聲但其實收到晒，知道在座啲人嘅意圖。我返去屋企同佢講番，爸爸（陳子聰）就會鬧我，話我對人太冇信心喇，要正面啲；但明明佢畀人呃緊，我睇住佢畀人老點喎！」

{{hket:inline-image name="ERIC7.jpg"}}{{/hket:inline-image}}

{{hket:inline-image name="eric8.jpg"}}{{/hket:inline-image}}

{{hket:inline-image name="eric9.jpg"}}{{/hket:inline-image}}

方力申稱自己都有富家朋友，他們經常有人埋身想呃錢，所以有防犯之心。何超儀笑言：「小方你以為你冇嘢被人呃？你因住被人騙色，呃埋貞操呀你！」她說有次工作的範疇，並非其擅長，她一到場就放了5個響屁，嚇到幾個工作人員退後幾步，反而形成了一種氣勢，新丁才不致被人欺負。同時坦言監製的工作非常辛苦，有時寧願乖乖做個演員就算，她說：「自己有份畀錢都受氣呀，主要受外國人氣，因為雙方一齊投資，結果要請我大家姐同佢哋講數，因為我太弱，而佢哋又太冇禮貌。」

{{hket:inline-image name="800_9839eb9089600db38e3a70aa10eb3257saasftp20200221.jpg"}}{{/hket:inline-image}}

{{hket:inline-image name="800_d10aeedfda75db2b1a202c23c076c614.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉